காதல் 4

நீ
எனக்காக வேண்டிக்கொள்கிறேன்
என்கிறாய்...

பக்தனுக்காக
கடவுளே
வேண்டிக்கொள்வது...

இதுவே
முதல் முறையாக
இருக்கும்...


===============================================


ஐஸ்
உருகும் தான்

ஆனால்
இவன் வைக்கும் ஐஸில்

உருகுவது நான் தான்

காதல் = சிறந்த உண்மை

"சிறந்த காதல்" என்றும்
"உண்மையான காதல்" என்றும்
உலகில் எதுவும் இல்லை

காதல் என்பதே
சிறந்த உண்மை தான்

அலைபேசி

தூரத்தில் இருப்பவரை
அருகில் கொண்டுவருவதும்

அருகில் இருப்பவரை
அந்நியமாக்குவதும்

உன் வரவு தான்

காதல் 3

பகலில்
என் நினைவுகளை களவாடுகிறாய்
இரவில்
என் கனவுகளை திருடுகிறாய்

ஆனாலும் வளர்கின்றன
என் நினைவுகளும் கனவுகளும்

உண்மையைச் சொல்
நீ திருடுகிறாயா...
இல்லை பதுக்கிவைத்து போகிறாயா...

காதல் வெண்பா...

நேர்-நேர் தேமா
உன் பேச்சு தேன் மா

நிரை-நேர் புளிமா
நீ நீ இனிக்கும் மா

நிரை-நிரை கருவிளம்
நிறை நிறை உன்னிடம்

நேர்-நிரை கூவிளம்
நீ நீ குயிலினம்

காதல் 2

என் களைப்பை போக்கி
களிப்பை தருகிறது
உன் நினைவு

========================================


கண்கள் இரண்டு
பார்வை ஒன்று
கால்கள் இரண்டு
பாதை ஒன்று
இதழ்கள் இரண்டு
முத்தம் ஒன்று
இதயங்கள் இரண்டு
காதல் ஒன்று